اخيرا قررت انى اكتب ومش عارف السبب اللى خلانى امتنع عن الكتابة والسبب اللى خلانى ارجع تانى واكتب .. بس اكيد انة سبب نفسى لانه من الملاحظ على الايام دى انى بتحول للجنون وكتير من اصحابى نبهونى للموضوع دة ومش عارف مين اللى كان قالهم انى كنت عاقل قبل كده..
الخلاصه انى فى عجالة ها اطرح ثلاث تساؤلات طرات فى عقلى وحبيت انى اتكلم عنهم..
الموضوع الاول .....
ملحوظة غريبة طرات فى عقلى وانا اشاهد احدى الافلام الامريكية الصنع
مشهد يتكرر كثيرا فى تلك الافلام .. وهو مشهد لاحدى فتيات الليل او نوادى الاسترب
كثيرا من تلك الفتيات يرتدين ملابس داخلية .. عفوا ( بكينى ) , وليس هذا مايعنينى
الا ان معظم تلك الملابس تكون مصممة على هيئة العلم الامريكى .. وهذا مايعنينى
إن مااتحدث عنه هو رؤية المواطن لرمز الوطن الذى يقطنه , الا وهو العلم
فإذا كان الشعب الامريكى يعتز بعلم بلاده لدرجة ان يضعة تصميما على ملابسه بعيدا عن نوع تلك الملابس
وبعيدا عن ان هذا العلم الامريكى يذكرنا نحن العرب بملايين الضحايا من الشعوب العراقية والفلسطينية واللبنانية اذا وجد من العرب احد يتذكر ذلك او يشغلة الامر ..
كيف نرى نحن المصريين علمنا ونحن نراه يرفرف
هل هو رمز الحكمة والديمقراطية والسلام والعزه والعدل .... ام ماذا نرى فية ؟؟؟؟؟؟؟؟؟
الموضوع الثانى ....
مقالة لابراهيم عيسى بخصوص الموضوع المكرر بتاع بوش والبلغه .. اسف الحذاء
بس الغريب ان عمنا ابراهيم مش عاجبة الموضوع وبيقول مايصحش للشعب العراقى يعامل الضيف بتاعه كده لانها مش من اخلاق الاسلام ولا المسلمين .. طب ده بالزمه كلام
وهو من امتى بوش كان ضيف يعامل بإحترام .. الظاهر انك ياعم إبراهيم محتاج درس فى اصول الضيافة ...
وهو مش عيب برضة شتم الحاكم وسبة . مع ان ده مش من اصول الاسلام .. ومع ذلك كنا معاك وساندنا موقفك ...
ولا هو حلال علينا وحرام عليهم ... ياريت مانكونش مجرد معارضين ع الفاضى والمليان .. ياعم إبراهيم عيسى .. ولا انتو شايفين ايه ؟؟
الموضوع الثالت ...
والله مش عارف ... تخيلوا نسيت انا كنت عايز اكتب إيه
يلا مش مهم .. كفايه كده
وكل عام هجرى وانتوا بخير وسلام
هناك 5 تعليقات:
.
موضوع العلم يا عم مجدى
عادة العلم المفروض انه يكون بيحمل هدف ومعنى ومضمون
وحينما تراة يرفع على ساريته ترى رموزة
تقدر انت تقولى طيب ايه هى الرموز والمعانى اللى بيحملها علمنا عشان لما اشوفه افتكرها؟
زمان كان العلم الاخضر له معنى واضح
لكن حاليا معظم الاعلام فى كل الدول العربيه مجرد قطع من قماش تحمل الوان غير ذات اى دلاله تذكر
وكل سنه وانت طيب
.
?من السبب في المحرقة
الاحداث الاخيرة في غزة و التي تقع دائما في فلسطين سببها المباشر الغطرسة و التدخل الهمجي للعدو الصهيوني الغاشم.
كلنا متفقين على ان الكيان الصهيوني يسعى للسيطرة على المنطقة باعتباره الشعب المختار كما يقول و استنادا الى اسطورة ارض الميعاد من الفرات الى النيل يعني ان اسرائيل تسعى بجميع الوسائل الى تحقيق هذا الحلم.
لكن السبب الاكبر في ما يحصل و ما سيحصل هم حكامنا العرب الذين باعوا ارض فلسطين الى اليهود بحكم اتفاقيات السلام بل اتفاقيات العار و الذل
السبب هو التحالف الواضح للقوى الخائنة في فلسطين و اعني بها فتح مع العدو الصهيوني
السبب في ان كل هذا يحصل هو خوف المسؤولين العرب على كراسييهم الوثيرة من ان يفقدوها اذا كانت منهم اي بادرة تعاون مع شعبنا الباسل في غزة
ربما قد اكون مخطئا لكن كيف يمكن تفسير الصمت العربي على حصار غزة كيف يمكن ان نفهم السكوت على محاصرة الشرعية و التعامل مع القوى اللاشرعية-فتح-والتفاوض معها باسم الشعب الفلسطيني وهي ابعد بكثير من ان تمثله
كيف يمكن ان نفسر مصافحة شيخ الازهر لرئيس الكيان الصهيوني و ابناء غزة تحت وطاة حصاره.
كل هذه الاسئلة تحيلنا الى ان دماء شهداء الامة في محرقة السبت الاسود في اعناق ساسة بلداننا العربية
و سياتي يوم ليس ببعيد سيرد الصاع صاعين و يعود الحق لاصحابه
تتتتتتتتتتتتتتتتتتتتتتتتتتتتتتتتتو
صفاره !!!!
عارف يا صحبي لو كنت قدامي واتا بتقول الكلمه دي وفي حاله من حالتنا المعهوده واحنا في حديقة الياسمين كانت بصتي ليك هتكون ازاي؟
طبعا انتا عارف خلاص كفايه عليك البصة دي
يا عم مجدي هي ددي الدنيا مره تصفي نيتنا ونعرف نكتب ومره تانيه الدماغ بتعمل بلوك وبتقفل علي كده وعلي العموم في موضوع العلم ده فعلا موضوع خطير وانا اقترح في قعده من قعداتنا ان الاستف يبقي اسمها بلادي وسمعنا سلام عظيمه يا مصر
براغل
إرسال تعليق