سلامتك يادماغى

ننعى الساده المحششين فى مصر ... والسبب هى حالة الازمه الخابوريه التى تعيشها مصر الان ، فالحشيش قد اصبح عمله نادره فى مصر ، وكفايه الدوخه اللى انا دايخها بقالى أسبوعين عشان خاطر " دبوس " او حتى "سمسون " صغير . وأكيد الساده الزملاء المحششين عرفين المصطلحات دى، وبرضو الساده الغير محششين ، ماهى دى بقت الثقافه السايده فى مجتمعنا . لكن المهم إن السبب فى الازمه الدماغيه دى هو ان السيد المحترم "حبيب العدلى" وزير الداخليه اعلن وبمنتهى الصراحة إن اللى عايز حشيش مش هايلاقى واللى عايز حشيش يجى بنفسه ياخده منه شخصيا ... ياسلام على الديلفرى والديمقراطيه !!! انا مش هااحكيلكم عن الازمه الكتابيه اللى انا عايشها بسبب نقص الحشيش فى الدماغ . لكن قلت لنفسى ياواد ياميجا كله يهون عشان خاطر عيون مصر ! مش مهم نتكيف مادام مصر هاتنضف وتبطل إتجار فى الحشيش عقبال باقى اصناف المخدرات والسلاح والاثار و..... إلخ . بس بصراحه ياجدعان غصب عنى لقتنى بسال نفسى السؤال اللى اكيد كل واحد ساله لنفسه . إشمعنى دلوقتى بالتحديد ؟!!. يعنى إشمعنى دلوقتى وبالسرعه القياسيه دى قررت الحكومه المصريه انها تكون نظيفه - وده بما إن نظيف هو اللى ماسكنا اليومين دول عقبال ما ربنا يشفى سعادة الامبراطور المعظم مبارك عشان يحكمنا عشر سنين ع الماشى قبل ما يعطى الخلافه للوريث الشرعى غصب عن عين اللى خلفوا الشعب ! -طب كانت الحكومه دى فين من 28 سنه فاتوا وهى شايفه البلد غرقانه فى الخراب والبوظه والفساد ؟!!. انا عارف زى ماالبعض منا عارف انها لعبة سياسه ومش هاتطول . تقولولى ليه ياواد ياميجا مش هاتطول ؟!!. اقولكم لانى قبل مااكتب لكم بساعه واحد قد أتانى" ديلر " مهرولا وهو يحمل بين طيات ملابسه ربع قرش حشيش من الصنف المعتبر وبيقولى الحمد لله الازمه انفكت وعادت خوابير الحشيش لمجريها الطبيعيه وبالتالى كل محششين مصر الان ينعمون بدبابيس ودماغ متكيفه واخر روقان . وعلى قد مافرحت لانى هاأعمر دماغى من جديد إلا انى بعد إن ضربت أول سيجاره ملفوفه إنخرطت فى حالة بكاء هيستيريه بعد أن أيقنت تمام اليقين بأن مصر لسه بخيييير !!! وعمار يامصر ... وسلامتك يادماغى ...